كانت حروفه شديدة الوضوح والصدق
سطوره بدون هوامش
لكنها لم تكن تجيد القراءة
فقط تصفحت بعض العناوين
ثم ألقت بالكتاب من يدها
ـــــــــــــــــــــــــــــــــــــــــــــــــــــــــ
التصنيفات : قصة |
| ► | فبراير 2012 | ◄ | ||||
| سبت | أحد | إثنين | ثلاثاء | أربعاء | خميس | جمعة |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | ||
كانت حروفه شديدة الوضوح والصدق
سطوره بدون هوامش
لكنها لم تكن تجيد القراءة
فقط تصفحت بعض العناوين
ثم ألقت بالكتاب من يدها
أشوف ف عيونك العسلي
حاجات مني …
وليه يا حبيبتي بتخبي
وأنا وأنتِ كما الفراشات
بنسرق م الزمن لحظات
تاخدني النشوة من كاسك
ومن عطرك وأنفاسك
لنسمة شوق تمرجحني
ولو زادت .. تطوحني
أخاف م الريح لتجرحني
ف أتدارى …..
ما بين قلبي وبين عينك
أضمك بين شرايني
وتاخديني على كونك
وقلبي يعاند الدقات
يروحلك فجأه ويكونك
يدوب ف عيونك اللؤلؤ
وأتسرسب أنا مني
أدوّر فيّا ما ألقاني
واشوف خيالات تكلمني
أحط إيديّا فو
إيه العمل؟
الحلم شايفه بينسحل
الارض رايحة للدمار
والضي رافض يكتمل
ايه العمل؟
الكل واقف ديدبان
والبوم بيركب ع السحاب
وهناك على البُعد الكلاب
تقسم على اللات او هُبل
ان الخلاص اصبح متاح
الكل للدم استباح
سنوا الرماح
طعنوا الامل
ايه العمل؟
مليون سفيه عاملين امام
مليون سفيه صياد يمام
اما اللي كان عايز سلام
وسط الزحام بقى ينقتل
انا حلمي مقتول م الفساد
وحياتي ضاعت م الفساد
مع اني كنت كتير بصد
الظلم ف بحور الفساد
كنت الجدار للمظلومين
كنت النجاة للغرقانين
دراعيني يبقوا مركبين
للنجدة وابقى السندباد
واتحالفوا كل الشياطين
على حصني من قبل الميعاد
ضاعت حياتي م الفساد
لكني خايف ع البلاد
خايف على الفقرا العباد
اللي ف جوعهم غرقانيين
واللي ف مرضهم غرقانيين
والمظلومين… والمطحونين
والميتين جنب العناد
واللي بيحصل ف الميدان
انا شايفه مش ضد الفساد
شايف مابين اجمل شباب
طب مانت كنت هناك كتير
واقف تمجّد ف الملك
واما العروش سقطت خلاص
أصبحت تلعن ف الملك؟!
عاش الملك
مات الملك؟
فاكر عقولنا من صفيح
ترقص هجاء
ترقص مديح
والا انت فاكر بالزرار
تملانا زي الزمبلك
ما ارعنك
(الارض عادت من جديد)؟
طب هي راحت فين عشان
ترجع تعود؟
كانت ف ايد الامريكان؟
والا ف ايد حبة يهود؟
زي انت مانت ابنها
اللي حكم كان ابنها
واللي فسد برضه ابنها
وانا ابنها
واللي صلح… واللي طلح
واللي استباح يوم دمها
مش ضد الثورة على الفاسدين
ولا ضد رحيل كل الفراعين
انا ضد عميل واقف مدسوس
وبينفخ نار زي الشياطين
ضد التخريب… ضد التهليب
ضد اللي بيطلع منه العيب
ضد اللي بيعمل منّا قريب
وبيلبس ( ماسك ) الثوريين
الحلم شباب والقلب نضيف
مطرود من باب رضوان
محدوف على سابع أرض
حلمك سافر للضد
والكون اللي انت اختارته
كان كافر بيك م المهد
بلسم أيامك صبر
مفطوم على طعم المُر
وعصاية قلبك هشة
مش قادرة تشق البحر
